Er reiknivélin biluð?

Svakalega er sérstakt að sjá þessi núll komma eitthvað prósent breytingar á vísitölu neysluverðs.  Er það virkilega röng upplifun af Íslandi í dag að kaupmátturinn er hreinlega í klessu miðað við síðustu ár?  Nú er ég ekkert að tala um aðgengi að lánsfé eða endurfjármögnunarmöguleika, heldur bara hvernig útborguð laun duga fyrir meðallifnaði.  Með auknum sköttum, álagningum, nýjum duldum sköttum, hækkandi eldsneytisverði og hækkandi verðtryggðum lánum, þá held ég það sé ekki fjarri sannleikanum að mánaðarlaunin hafa sjaldan hrokkið jafn skammt.  Ég er sem betur fer ekki í þessari stöðu sjálfur.  Fyrir tilviljun staðsetti ég mig annars staðar í heiminum í miðju "góðæri" og ég hef lítinn áhuga haft á að snúa til baka.  Ekki misskilja mig, Ísland er alltaf best í heimi.  Það er bara það sem er að gerast á landinu núna sem gerir það ekki alveg jafnbest og það var.  Leyfið mér að segja ykkur hvernig ég hef það þar sem ég er.  Í stað þess að breyta gjaldmiðlinum eftir raunvirði, þá ætla ég bara að bæta einu núlli á launin mín og útgjöldin, á þá áttið þið ykkur mjög einfaldlega á því í íslenskum hversu mikill munur er á kaupmættinum í þessu tiltekna útlandi og svo á klakanum.

Vinnuvika:  37,5 tímar.  (Heima vel fyrir 16:00)

Mánaðarlaun ca. 370.000.-

Eftir skatt ca. 250.000.-

Afborgun af einbýli, 20mill lán ca.110.000.- á mánuði 3,4% vextir

Bensínlítrinn, sko núna með Gaddafilátunum: 130.-

Stór matarkarfa fyrir rúma viku 2 fullorðnir, smábarn og hundur; ca.17.000.-

Afborgun af bílaláni ca. 22.000.-

Tryggingar af öllu draslinu með öllu saman á ferðalagi og hvaðeina: ca 4000 á mánuði

 Ég er bara venjulegur launþegi sem tæknimaður, en þetta eru eingöngu mín laun sem ég skrifa hér fyrir ofan, og ekki konunnar.  Hljómar þetta eins og íslenskur veruleiki að einhverju leyti?  Ég vona að greinin misskiljist ekki, ég er bara setja þetta svona fram til að sýna fram á að Íslendingar eru að lenda í því að hækkanirnar ætla allt um koll að keyra, á meðan ríkið dregur til sín það sem það getur í öngþveiti atvinnuleysis og launastöðnunar almennings.  Síðast þegar ég vissi kallast það rétt og slétt kreppa.  

  Og í nafni alls þess sem réttlátt er, ekki taka þennan Icesave reikning án baráttu!  Segið NEI við því sem og hinu kjaftæðinu sem nú viðgengst.  Og gangið Esjuna.

 Góðar stundir

 Haukur Sig.

 

 

Minna til ráðstöfunar

Athugasemdir

[Júlíus Björnsson, 10.3.2011 kl. 06:30]

http://juliusbearsson.blog.is/blog/juliusbearsson/entry/1148642/

Þjóðverjar eru með nánast eins hugsunarhátt.

Það sem maður hefur til ráðstöfunar erlendis er allt annað en húsnæðis kostanaður og viðhald meðtalið. Lið hér sem hefur til ráðstöfunar 40.000 hér kallar 400 kr eitt prósent.

Ég er komi niður af dönsku fjármálmönnum.  Get vottað að Íslandi er stjórnað af apaköttum.  Allt sem þetta lið segir ber að taka með varúð sér ílag ranghugmyndir um erlend prinsipp.