Úps... en vandræðalegt :/

Jæja Steingrímur....

 Er málið að verða svolítið vandræðalegt?  Ég skal segja þér hvað Íslendingnum mér finnst vandræðalegt!  Mér finnst ótrúlega vandræðalegt, að hafa hreinlega skammast mín í hvert skipti sem ég kaus blátt, því að ég "vissi" að þú værir MAÐURINN.  Hinn útvaldi, sem myndi fyrr eða síðar taka völdin og leiða Íslendinga á rétta braut.  Ég kaus bara áfram blátt því að mig langaði svo í íbúð og Landcruiser.  En ég "vissi" að þú lumaðir á leyndarmálinu.  Þú þekktir leiðina að hinu rétta lífi.  Draumurinn um 7,5 tíma vinnudag, virðingu fyrir náunganum og náttúrunni, og fjölskyldugildi framar öllu var eitthvað sem ég vonaði að þú, ef þú nenntir að bíða aðeins, myndir sýna okkur að væri hið eina rétta.  Svo komstu til valda, svona eiginlega.  Og hvað gerðist?  Ja, allavega ekkert af því sem ég taldi mig vita.  Ég veit að þú tókst ekki við á auðveldasta tímanum, en þó tókstu við með svo miklum meðvindi að annað eins þekktist varla.  En nú hefurðu snúist, og pissað upp í vindinn!  Ef að þú leggst á hnén fyrir þessar þjóðir og lætur íslenska þjóð taka reikninginn fyrir ICESAVE, þá er þér ekki lengur vært á Íslandi!  Þú ert jafn óvelkominn og þeir sem stóðu í skútunnar stafni þegar við steyttum á þetta síður en svo ósýnilega sker.  Þú skalt ekki voga þér, að hækka alla mögulega skatta og skerða alla þjónustu, ef tilgangurinn er að borga þessa vitleysu, sem ranglega er kölluð "skuld".  Heldur skaltu vera maðurinn sem er tilbúinn að mæta afleiðingunum af að borga ekki.  Ætlarðu að láta kúga þig til hlýðni af leiðtogum þjóða sem þekktar eru fyrir slíkt, eða ætlarðu að taka stoltur afleiðingunum af því að standa á því sem rétt er? 

Hvað kom fyrir þig?

Hvar er stolti Íslendingurinn Steingrímur Joð?

Mikið hef ég lesið um sögu okkar og uppruna, og þó svo að nær allan tilfinningaskalann hafi víkingarnir sýnt, þá get ég lofað þér einu;  Vandræðalegir urðu þeir ekki!

Það er ekki of seint að snúa á ný.  Vindar geta blásið þér í vil. 

 

Steingrímur J.: Gagnlegur fundur

Athugasemdir

[Óskin (IP-tala skráð) 5.10.2009 kl. 17:52]

Jibbí góð ræða hjá þér.

Kannski að hlustað verði á almenning!!!!!!!!!!!Nei varla. Við greinilega vitum ekki neitt í okkar haus. Við eigum bara að bíða örlaga okkar og borga meira og meira, meir í dag en í gær.